Sáttaleiðin býður upp á fræðslu í formi námskeiða og vinnustofa fyrir hópa af öllum stærðum og gerðum. Við sérhæfum okkur í fræðslu á eftirfarandi sviðum:

Bætt samskipti

Góð samskipti við viðskiptavini og milli starfsmanna eru lykilþættir í velgengni fyrirtækja og Sáttaleiðin hefur boðið upp á bæði námskeið um jákvæð samskipti og lausnamiðuð samskipti. Einnig er hægt að fara með hópinn í gegnum vinnustofu þar sem farið er í stefnumótun í samskiptum. 

Samningatækni

Samningatækni er eitthvað sem flestir vilja verða betri í. Lausnamiðuð samningatækni miðar að því að finna lausnir þar sem allir geta staðið uppi sem sigurvegarar.

Forvarnir og lausnir í ágreiningsmálum

Forvarnir í ágreiningsmálum felast meðal annars í því að þekkja einkenni ágreinings og geta gripið inn í þegar upp koma ágreiningsmál. Boðið er upp á þjálfun í átakastjórnun, bættri endurgjöf og erfiðum starfsmannasamtölum.

Sáttamiðlun

Boðið er upp á námskeið fyrir þá sem vilja kynna sér sáttamiðlun og vinnustofur fyrir stjórnendur og aðra sem vilja auka færni sína í notkun sáttamiðlunar til þess að leysa ágreinings- og deilumál.

Þar sem engir tveir hópar eru eins þá leggjum við áherslu á að sérsníða efnið til fræðslunnar að þörfum hverju sinni.

Hringdu í Lilju í síma 843-0611 til þess að ræða málin og fá frekari upplýsingar um þau námskeið sem gætu hentað fyrir þinn hóp.

Sáttamiðlun á mikið erindi inn á vinnustaði og gott að geta nýtt verkfæri sáttamiðlunar þegar kemur að starfsmannamálum. Eftir að hafa setið fyrirlestur um sáttamiðlun á vinnustöðum hjá Lilju hef ég tvisvar nýtt mér aðferðafræðina við að leysa deilumál á mínum vinnustað með góðum árangri.

Sigurbjörg Sverrisdóttir
Forstöðumaður hjá Ás styrktarfélagi

Heimsóknin frá Lilju og fyrirlesturinn um jákvæð samskipti fór fram úr væntingum okkar og vakti mikinn áhuga og ánægju innan hópsins hjá okkur.

Kristinn Eiríksson
Sviðsstjóri Mannvirkjasviðs hjá Lotu ehf.

Mér þótti mjög gagnlegt að fá þessa yfirsýn yfir sáttamiðlun, það vakti mig einnig til umhugsunar varðandi það hvað skiptir miklu máli að vera hlutlaus þegar kemur að því að leysa ágreining milli einstaklinga. Á námskeiðinu kom margt fram sem ég mun nýta mér og ég er nú þegar farin að dreifa boðskapnum til minna samstarfsmanna. Lilja kom efninu skýrt frá sér og áhuginn leynir sér ekki

Hulda Pétursdóttir
Ljósmóðir - Deildarstjóri í meðgönguvernd á Akureyri

Við hjá Kírópraktorstöðinni vorum mjög ánægð með námskeiðið Jákvæð samskipti á vinnustað. Þetta var akkúrat sem við þurftum til að þétta mannskapinn saman og fá alla til að vera með.  Við vorum öll sammála um að fá að taka virkan þátt var gagnlegt og skemmtilegt og uppsetning á námskeiðinu var mjög góð. Lilja stóð sig æðislega vel sem fyrirlesari, vel til höfð, brosmild og með góða útgeislun. Hún fær okkar bestu meðmæli.

Takk fyrir okkur,

Starfsfólk Kírópraktorstöðvarinnar

Leiðbeinandinn stóð sig mjög vel og kom efninu vel til skila. Greinilegt að Lilja þekkir efnið mjög vel og er mjög áhugasöm um það.

Þátttakandi á námskeiðinu Verkfæri sáttamiðlunar (3)

Námskeiðið í heildina var mjög gott. Mjög áhugavert efni og þarft að koma því á framfæri.

Þátttakandi á námskeiðinu Verkfæri sáttamiðlunar (2)

Ég sótti námskeið í sáttamiðlun hjá Sáttaleiðinni sem var mjög fróðlegt og gott. Námskeiðið veitti mér nýja sýn á lausnir ágreiningsmála minna skjólstæðinga, sem eru félagsmenn nokkurra stéttarfélaga innan BHM. Við löguðum verklag okkar í ágreiningsmálum þannig að nú er ávallt kannaður möguleikinn á því að fá óháðan sáttamiðlara til að aðstoða við að leysa úr ágreiningi.

Andri Valur Ívarsson
Lögmaður BHM

Fræðandi og upplýsandi um hvernig hægt er að leysa ágreining sem getur komið upp á vinnustað.

Þátttakandi á námskeiðinu Verkfæri sáttamiðlunar (1)